Saturday, June 8, 2024

तारुण्य पिटिका - पिंपल्स वर प्रभावी उपाय.

    पिंपल्स हे प्रामुख्याने  हार्मोन्स आणि चेहऱ्याच्या त्वचेच्या आरोग्याशी संबंधित असलेला आजार आहे आणि त्यावर आयुर्वेदिक उपचार हे खूप प्रभावी दिसून आले आहेत. हे पिंपल्स चेहऱ्यावर येण्यासाठी खालील गोष्टी प्रामुख्याने जबाबदार असतात. 

१) रक्तदुष्टी - तेलकट, मसालेदार आणि प्रक्रिया केलेले पदार्थामधून होणारी 

२) शरीरातील टाकाऊ घटक शरीरात साठणे 

३) हॉर्मोन मध्ये असंतुलन 

४) स्ट्रेस - टेन्शन 

५) चेहऱ्याच्या त्वचेची योग्य काळजी न घेणं - सौंदर्य प्रसादनांचा अमाप वापर. 

तुम्हाला जर पिंपल्स चा त्रास असेल तर खालील टिप्स नक्की तुम्हाला मदत करतील. 

आहार (Diet)

    गाजर , काकडी आणि हिरवागार भाज्या, व्हिटॅमिन C आणि अँटिऑक्सिडेन्ट भरपूर असलेली फळे घ्या.  

    ओमेगा ३ फॅट भरपूर असणाऱ्या सूर्यफूल, भोपळा ,टरबूज या सारख्या बियांचा वापर करा. 

    मुबलक पाणी प्या. पुरेशी झोप घ्या. 

हे नक्की टाळा -

    तेलकट, मसालेदार आणि प्रक्रिया केलेले पदार्थ  ,तीव्र सूर्यप्रकाशात जाणे . वारंवार पिंपल्स ना स्पर्श करणे , मेक     अप तसाच ठेऊन रात्री झोपणे. 

त्वचेची काळजी घेताना या गोष्टीकडे लक्ष ठेवा. 

    दिवसातून ३ ते ४ वेळा चेहरा स्वच्छ धुवा.   

    हळद आणि चंदनाची लेप -  कांतिवर्धनासाठी  

    नीम आणि चंदन याचा लेप - पिंपल्स ची सूज कमी करण्यासाठी रक्त शुद्धीसाठी. 

    हळद + लिंबाचा रस - चेहऱ्यावरील डेड स्किन काढून टाकण्यासाठी. 

    जायफळाचा लेप - पिंपल्स चे व्रण - डाग कमी करण्यासाठी 

    टीप: कोणताही उपाय करण्यापूर्वी त्वचेवर थोडा लावून जळजळ होत नाही ते पहा.   

आयुर्वेदिक औषधी - 

    वाळ्याचे सरबत - स्ट्रेस आणि पित्त कमी करण्यासाठी 

    आवळ्याच्या आहारात वापर - रक्त शुद्ध करून त्वचेची रोगप्रतिकार क्षमता वाढवण्यासाठी 

    शतावरी + अश्वगंधा +अशोक - हार्मोन्स ची पातळी नॉर्मल ठेवण्यासाठी. 

    गुडुची/ गुळवेल  -  रक्ताची शुद्धी करण्यास मदत करते  

    त्रिफळा चूर्ण - आतड्यांची स्वच्छता राखते  

    टीप: वर उल्लेख केलेली कोणतीही आयुर्वेदिक औषधी घेण्यापूर्वी डॉक्टरांचा सल्ला घ्या.  

उन्हाळ्यात निरोगी आणि सुंदर केसांसाठी घरगुती टिप्स

    उन्हाळ्याच्या तीव्र उन्हामुळे केस कोरडे, खराब आणि बेजान होण्याची शक्यता असते. परंतु काळजी करण्याची गरज नाही! घरातील उपलब्ध असलेल्या साधनांच्या मदतीने आपण आपल्या केसांची चांगली काळजी घेऊ शकता. येथे काही घरगुती टिप्स आहेत ज्यांच्या सहाय्याने आपण उन्हाळ्यातही केस निरोगी आणि सुंदर ठेवू शकतात.

1. आहारावर भर द्या : निरोगी केसांसाठी आहारही तितकाच महत्वाचा आहे. प्रथिने, लोह, जीवनसत्वं ए आणि सी असलेले पदार्थ आपल्या आहारात समाविष्ट करा. मूग -मसूर आवळा काकडी ताक,बडीशेप,पालेभाज्या, फळे,मसूर  यांचे सेवन करा.

2. केस धुण्याची सवय : उन्हाळ्यात घाम आणि धूळीमुळे केस खराब होतात. त्यामुळे आठवड्यातून 2-3 वेळा सौम्य शॅम्पूने केस धुवा. परंतु केस धुण्याचा अतिरेकही करू नका कारण त्यामुळे केसांच्या मुळाजवळील नैसर्गिक तेल (तेल) कमी होऊ शकते.

3. कंडिशनरचा वापर : केस धुवल्यानंतर कंडिशनर लावणे फायदेशीर ठरते. कंडिशनर केसांना मुलायम आणि चमकदार बनवते. आपण बाजारातून कंडिशनर घेऊ शकता किंवा दही,कांद्याचा रस  किंवा केळी यांची पेस्ट केसांना लावूनही नैसर्गिक कंडिशनर म्हणून वापरू शकता.

4. तेलाचा मालिश: आठवड्यातून एकदा तरी केसांना तेलाचा मालिश करणे फायदेशीर ठरते. बदाम तेल, नारळाचे तेल, ऑलिव्ह तेल किंवा आपल्या केसांच्या प्रकारानुसार निवडलेले तेल लावा. असे केल्याने रक्तप्रवाह (रक्तप्रवाह) वाढतो आणि केस मजबूत होतात.

5. घरागुती हेअर मास्क : उन्हाळ्यात आठवड्यातून एकदा केसांना मास्क लावणे चांगले. एलोवेरा जेल, मध आणि लिंबाच्या रसाचे मिश्रण किंवा आवळ्याची पेस्ट केसांना लावून 15-20 मिनिटांनी धुवा. हे केसांना पोषण देते आणि खराब होण्यापासून वाचवते.

6. सूर्यप्रकाशापासून संरक्षण : बाहेर निघताना सूर्यप्रकाशापासून केसांचे संरक्षण करा. स्कार्फ, टोपी किंवा छत्री वापरा. सूर्यप्रकाशाच्या अतिरेकामुळे केस खराब होतात आणि कोंडा होण्याची शक्यता असते.

7. केस धुताना थंड पाणी वापरा : केस धुताना शेवटी थंड पाण्याने अंतिम स्वच्छता करा.ओल्या केसने झोपू नका.

8. केसांच्या आरोग्यासाठी बायोटीनयुक्त घरगुती पावडर 

बायोटीन हे केसांच्या वाढीसाठी आणि आरोग्यासाठी आवश्यक असलेले जीवनसत्व आहे. आपण हे जीवनसत्व आपल्या आहारात समाविष्ट करू शकता किंवा बायोटीनयुक्त घटकांपासून बनवलेली घरगुती पावडर सेवन करू शकता.

बदाम  - १० ते १२ अक्रोड  - ५ ते ६ जवस - २ टेबलस्पून खरबूज, टरबूज आणि सुर्यफुलाच्या बिया - २ टेबलस्पून  


डॉ. प्रवीण जयराम घाडीगावकर 

M.D. Ayurved , Ph.D. (Sch.) in Preventive Cardiology.

९८२०१६७८४६